Profesori i marrëdhënieve ndërkombëtare Enver Bytyçi ka komentuar takimin e hartuesve të projektit “Open Balkan” në Ohër.
Profesori vuri theksin tek prezenca në të gjitha takimet e Alex Soros, shkruan "Bota sot".
“Ohri po pret për të dytën herë tre nismëtarët e Open Balkan. Në të dy rastet ishte i pranishëm edhe Alex Soros. Djali i George Soros ka qenë prezent në të gjitha takimet e Vuçiq, Edi Rames dhe kryeministrit të Maqedonisë së Veriut. Ai ishte aty që në18 tetorin e vitit 2019 në Novi Sad, kur u themelua Minishengeni.
Më pas erdhi në Tiranë në dhjetorin e atij viti. Dhe pavarësisht pandemisë Alex Soros i ndoqi samitet e Minishengenit e më pas të Open Balkan-it në të gjitha herët e tjera në Shkup, në Beograd, në Tiranë e sot në Ohër”, rikujtoi profesori.
Bytyçi me këtë rast pyet se pse Alex Soros është gjithnjë i pranishëm në këto samite?
“Çfarë e lidh atë me Open Balkan? Është ideator, regjisor, skenarist, sponsor, çfarë? Ai nuk është kryeministër i ndonjë vendi ballkanik. Nuk është politikan. Nuk përfaqëson as SHBA-të, as ndonjë organizëm tjetër ndërkombëtar. Atëherë pse është gjithnjë aty? Me çfarë statusi dhe me çfarë roli?
Për me tepër pse këta ithtarët serbë, sllavo-maqedonas dhe shqiptaro-serbë si kryeministri Rama i rrinë Alex Sorosit gatitu?! Si ka mundësi që ai i vë të gjithë këta në rrjesht?!”, përfundoi profesori
