Njohësi i politikës së jashtme, Shqiprim Pula thotë se Qeveria e Kosovës do duhej që të paguante kompani lobuese sa i përket liberalizimit të vizave.
Sipas Pulës, një gjë e tillë nuk ka asgjë të keqe pasi është në interes të qytetarëve.
“Do duhej të ndodhte. Nëse nuk ka kapacitete humane të mëtutjeshme, do duhej të ndodhte një proces i tillë sepse është interes shtetëror. Pra, është interes i një të mire të përgjithshme qytetare. Dhe absolutisht nuk ka asgjë të keqe, që Qeveria e Kosovës përkatësisht Ministria e Jashtme, të angazhojë njerëz të cilët janë të fushës, dinë, kanë ekspertiza personale, profesionale në këtë drejtim, në mënyrë që të trajtohet si temë me urgjencë dhe të përmbyllet njëherë e mirë kjo temë”, tha ai.
Pula theksoi se trajtimi i kësaj teme në vijimësi, ka ngarkuar shumë qytetarin e Kosovës dhe ka lënë shumë procese mbrapa.
