“Kujt si pëlqen Kosova, Evropa, urdhnoni në Arabi”, ishin fjalët e Rron Gjinovcit, për të cilat reagoi me gjuhë të rëndë kryetari i partisë Fjala, Gëzim Kelemendi.
Një video është bërë virale dje në rrjetet sociale në Kosovë e në Shqipëri, ku nga pamjet e publikuara shihet një vajzë teksa argëtohet me dy djem në një klub nate në Shqipëri.
Analisti Rron Gjinovci i quajtiskandalozë dhe primitivë personat që e kritikojnë vajzën në fjalë.
Pas komenteve të shumta që mori, Gjinovci u reagoi ndjekësve të tij duke u thënë “Kujt si pëlqen Kosova, Evropa, urdhnoni në Arabi”.
Kelmendi përmes një shkrimi në Facebook tha se këto fjalë i kishte thënë edhe Aleksandar Rankoviq e Sllobodan Millosheviq.
Kelmendi thotë se është i mësuar me reagimet e tyre dhe kurrë nuk është dorëzuar, andaj sipas tij, mbrojtja e moralit ka qenë gjithmonë vlerë dhe virtyt i popullit tonë.
Postimi i plotë i Gëzim Kelmendit:
“Shkoni në Arabi, shkoni në Turqi” kishte thënë edhe Rankoviqi, edhe Millosheviqi, edhe Mladiqi e Karaxhiqi!
Një popull nuk e shkatërron rënia e ekonomisë, por e shkatërron rënia e moralit.
Të gjitha pushtetet e pasluftës edhe ky i fundit në Kosovë, punuan që rinia jonë të zhveshet nga vlerat morale. Dhe kjo në emër të “emancipimit dhe demokracisë”.
Kur dikush nga qytetarët e kundërshton shthurjen dhe degjenerimin, vjen reagimi i famshëm i disa oponentëve “shkoni në Arabi”.
“Shkoni në Arabi, shkoni në Turqi” kishte thënë edhe Rankoviqi, edhe Millosheviqi, edhe Mladiqi e Karaxhiqi.
Por, ku janë ata sot?
Ne jemi mësuar me reagimet e tyre, por kurrë nuk jemi dorëzuar.
Mbrojtja e moralit ka qenë gjithmonë vlerë dhe virtyt i popullit tonë.
Gëzim Kelmendi
