Gjatë ditës së djeshme është nënshkruar marrëveshja ndërmjet Kosovës dhe Korporatës së Sfidave të Mijëvjeçari në vlerë mbi 200 milionë dollarëshe.
Ndërsa sot kuvendi i Kosovës e ka ratifikuar këtë marrëveshje në seancën parlamentare.
Mes shumë reagimeve për këtë marrëveshje, ka reaguar edhe kongresisti amerikan Ritchie Torres.
Torres ka thënë se ky investim amerikan është një votë besimi për të ardhmen e Kosovës.
“Urime Kosovës për sigurimin e një granti prej 202 milionë dollarësh MCC, themeluar nga Kongresi. Investimi amerikan është një votë besimi për të ardhmen e Kosovës si një demokraci e pavarur dhe e gjallë”, ka thënë Torres.
