Publicisti Gani Mehmetaj ka kritikuar ashpër sindikalistin Rrahman Jasharaj për heshtjen e tij për 100. 000 pensionistët e Dardanisë.
Mehmetaj thotë se kur këta pensionistë shteti i la pa pensione, pasi futën në listë pagesash kontrabandë mijëra veteranë të rrejshëm, Jasharaj nuk e tha asnjë fjalë.
Ai e mallkon Jasharajn dhe sindikalistët, duke i quajtur instrument te krimit.
Postimi i plotë:
Kur sindikalisti Jasharaj heshtte si mumie për 100. 000 pensionistët e Dardanisë
Kur 100. 000 pensionistë shteti i Dardanisë i la pa pensione, sepse futën në listë pagesash kontrabandë mijëra veteran të rrejshëm, krye sindikalisti Jasharaj me sindikatën e vet të dyshimtë, nuk e tha asnjë fjalë. Heshtën si mumie. Turpi i mbuloftë atëherë dhe tash.
Punëtorët e intelektualët që dikur e ndërtuan Kosovën e paraluftës me shkolla fillore e të mesme, me universitet, hekurudha, rrugë automobilistike, gazeta e televizione, infrastrukturë dhe ekonomi, vdiqën e po vdesin në varfëri të skajshme që ta zhvatin komandantët e veteranët e rrejshëm.
Tash kinse ky Jasharaj, instrument i krimit po brengosët për 100 euro të mësuesve.
Mjerë mësuesit kush i mbron interesat e tyre.
