Presidentja e vendit, Vjosa Osmani, e ka falënderuar homologun slloven, Borut Pahor, për përkushtimin e tij të palëkundur në forcimin e partneritetit Kosovë-Slloveni.
Ajo po ashtu e ka falënderuar atë për rolin e tij aktiv në mbështetje të integrimit euroatlantik të Kosovës, njofton Klan Kosova.
“Faleminderit president Pahor për përkushtimin tuaj të palëkundur në forcimin e partneritetit Kosovë-Slloveni”.
“Në vizitën e tij të fundit në Kosovë në rolin e presidentit të Sllovenisë, e falënderova presidentin Borut Pahor për angazhimin e tij përgjatë dekadave të fundit në përafrimin e dy vendeve tona dhe për rolin e tij aktiv në mbështetje të integrimit euroatlantik të vendit tonë”.
