Shefi i Grupit Parlamentar të AAK-së, Besnik Tahiri, sot ka filluar vizitën në Washington DC në kuadër të Programit Ndërkombëtar të Udhëheqjes së Vizitorëve.
Përmes një postimi në llogarinë e tij nē Facebook, Tahiri ka treguar për rëndësinë e këtij programi në marrëdhëniet me ShBA.
"Programet e vizitave të tilla kultivojnë marrëdhënie të qëndrueshme me shtetin mik ShBA-në. Takimet profesionale në këtë program gërshetojnë interesat profesionale të pjesëmarrësve dhe mbështesin qëllimet e politikës së jashtme të ShBA-së", ka shkruar Tahiri:
Postimi i plotë:
Në kuadër të Programit Ndërkombëtar të Udhëheqjes së Vizitorëve, sot kam filluar vizitën në Washington DC, SHBA. Ky program është instrumenti kryesor i shkëmbimit profesional i Departamentit të Shtetit.
Programi është mundësi e veçantë për njohje e takime si në Departamentin e Shtetit, Mbrojtjes në Senat dhe Kongres dhe vizita në disa shtete.
Programet e vizitave të tilla kultivojnë marrëdhënie të qëndrueshme me shtetin mik ShBA-në. Takimet profesionale në këtë program gërshetojnë interesat profesionale të pjesëmarrësve dhe mbështesin qëllimet e politikës së jashtme të ShBA-së.
Me këtë rast dua të shpreh vlerësimin e mirënjohjen për Ambasadën dhe Qeverinë Amerikane, për mundësinë që na është ofruar përmes programit.
Partneriteti dhe miqësia me ShBA janë të shenjta dhe esenciale për avancimin e mëtejmë të vendit tonë!
