Të enjten ka dhënë dorëheqje Rifat Latifi nga ministri i Shëndetësisë. Dorëheqjen ai ia ka dorëzuar kabinetit, megjithëse ende nuk dihet arsyet që shtynë atë për një veprim të tillë.
Pavarësisht kritikave të shumta që janë adresuar ndaj tij për gjendjen në sektorin e shëndetësisë, ende nuk dihet se kush do të jetë pasuesi i Latifit.
Por, mediai ka kontaktuar me ish-ministrin e këtij dikasteri, Arben Vitia, për ta pyetur nëse do të jetë ai personi që do të ulet në kolltukun e tij të dikurshëm.
Megjithatë, ai mohoi se do të jetë ministër i Shëndetësisë teksa nuk kishte informacione se Latifi është dorëhequr.
Po ashtu, në një bisedë telefonike ish-kandidati për kryetar të Prishtinës theksoi se ka plane të tjera sa i përket jetës politike dhe personale.
“Planet i kam të tjera. Jam në një takim dhe tani po merrem me diçka tjetër”, tha Vitia, i cili mban pozitën e kryetarit të LVV-së në Prishtinës.
Sidoqoftë, Latifi ishte emëruar më 16 nëntor të 2021-s duke e zëvendësuar Arben Vitinë që kishte garuar për kryetar të Prishtinës.
Nga ministria e Shëndetësisë ende nuk kanë lëshuar ndonjë njoftim zyrtar mbi këtë çështje.
