Shefi i Grupit Parlamentar të LDK-së, Arben Gashi, tha se ka një numër deputetësh nga Grupi Parlamentar i Lëvizjes Vetëvendosje që duan t’i bashkohen LDK-së.
Gashi theksoi se pret që ky numër të rritet.
“Mund të konfirmoj edhe sot se ka një numër të konsiderueshëm deputetësh të cilët kanë afërsi me LDK-në dhe vazhdojnë të shfaqin afërsi me LDK-në dhe mundësinë për t’iu bashkuar LDK-së.
Mund të them se janë nga Grupi Parlamentar i Pushtetit. Pres që ku numër të rritet sa më shumë ne i afrohemi pranverës sepse po pritet të thellohet kriza ekonomike, sociale, energjitike dhe të gjitha këto si pasojë edhe e paaftësisë së Qeverisë” deklaroi Gashi .
