Ministrja gjermane për Klimë dhe Evropë, Anna Lührmann, në një intervistë për Prime Time, ka thënë se për dialogun Kosovë – Serbi, Emisari Lajçak e ka mbështetjen e plotë të Gjermanisë.
Më tej, ajo për vendimin për targat ka deklaruar se në mënyrë që të mos nxiten tensione, duhet edhe pak kohë.
“Ne e kuptojmë plotësisht pozicionin e Qeverisë së Kosovës në këtë rast, se targat e vjetra duhet të largohen, por gjithashtu ky është një proces i komplikuar administrativ, dhe duhet bërë në një mënyrë që nuk do të nxisë tensione, por të ndihmojë në zgjidhjen e kësaj çështje.
Mendoj se mund të na duhet edhe pak kohë…Ndonjëherë në politikë, rrethanat ndryshojnë dhe kur e sheh që situata nuk është në rregull, të duhet t’i pezullosh gjërat për pak kohë. Por, si vendim, është e qartë se kjo çështje duhet të zgjidhet dhe targat e vjetra duhet të largohen, por kjo duhet të ndodhë në një mënyrë që nuk nxitë tensione.”, ka deklaruar ajo.
