Serbi S.S. Hungarinë e ka vendqëndrim që katër muaj.
Por, i njëjti që është në burg me dyshimin se ishte pjesëmarrës në vrasjen e civilëve shqiptarë në Pejë gjatë luftës, është mes Serbisë e Kosovës.
Të dyja këto shtete bënë kërkesë për ekstradimin e tij, por njëri u tregua më i shpejtë, njofton Klan Kosova.
“Ekstradimi i të cilit u kërkua së pari nga Ministria e Drejtësisë e Republikës së Serbisë dhe pastaj Ministria e Drejtësisë e Republikës së Kosovës”, thuhet në komunikatën e Gjykata Metropolitane e Budapestit.
E në seancën e parë të mbajtur të mërkurën në Budapest të Hungarisë, i dyshuari zgjodhi vendin e tij të lindjes për gjykim.
Ani se vendimi përfundimtar i takon Ministrisë së Drejtësisë në Budapest, ku ky edhe u arrestua.
“I kërkuari deklaroi se është dakord vetëm për ekstradim në Republikën e Serbisë dhe ka kërkuar zbatimin e rregullit të specialitetit për të dyja kërkesat për ekstradim. Kjo e fundit do të thotë se në rastin e ekstradimit të tij mund të procedohet vetëm për veprat e përshkruara në kërkesat për ekstradim”, thuhet tutje në komunikatë.
Veprat nuk u treguan, por numri i njerëzve që dyshohet se u vranë në masakrën ku serbi ishte pjesëmarrës ndryshoi.
Nga Prokuroria Speciale në Kosovë ishte deklaruar se numri i viktimave është 33, derisa nga komunikatën e gjykatës së Budapestit ai ishte 10 më pak.
