Enis Sulstarova, anëtar i Lëvizjes Vetëvendosje në Tiranë, e ka bërë një koment, me rastin e nisjes së gjykimit për katër ish-krerët e UÇK-së, Hashim Thaçit, Kadri Veselit, Rexhep Selimit dhe Jakup Krasniqit.
Të hënën, Zyra e Prokurorit të Specializuar në Hagë i ka shpalosur akuzat e saj ndaj ish-krerëve, ndërsa sot, në ditën e dytë të gjykimit, fjalën e ka pasur mbrojtja e të akuzuarve.
Gjatë ditës së sotme, pasi foli mbrojtja dhe vetë Thaçi, Sulstarova i LV-së ka shkruar në Facebook se “Thaçi ka qenë UÇK vetëm gjatë fushatave zgjedhore!”.
Avokati kryesor i Thaçit, Gregory Keheo, fjalën e tij e ka mbështetur në deklarata, video dhe dokumente që dëshmojnë se ish-udhëheqësi politik i UÇK-së nuk kishte kompetenca ekzekutive dhe nuk ishte përgjegjës për vendimet e marrë në emër të Ushtrisë.
