Një burrë është gjetur pa shenja jete sot në një veturë në Gjakovë.
Nga Policia është bërë e ditur se viktima është e moshës madhore.
Zëdhënësi i policisë Rajonale të Gjakovës, Sheremet Elezaj, ka thënë se rasti është hapur si “hetim i vdekjes”.
“Rreth orës 11:40 në rrugën “Gasper Karaqi” në Gjakovë është raportuar se viktima mashkull i moshës madhore është gjetur pa shenja jetë në një veturë. Vdekjen e ka konstatuar ekipi mjekësor në vendin e ngjarjes. Ekipet e nevojshme policore po ashtu kanë dalë në vendin e ngjarjes si dhe është njoftuar Prokurori i Shtetit, me vendimin e të cilit është iniciuar rast “Hetim i vdekjes”. Trupi i pajetë i viktimës do të dërgohet në IML për obduksion”, tha Elezaj
