Tanimë kanë arritur të nxjerren thuajse të gjithë minatorët në minierën e Trepçës të cilët u bllokuan brenda për shkak të prishjes së ashensorit rreth orës 03:00 të mëngjesit.
Lajmin për daljen e minatorëve e ka konfirmuar Kryetari i Sindikatës së Minatorëve, Ibrahim Januzi.
Kryetari Januzi tha se tani janë duke nxjerrë edhe tre minatorët e fundit që ishin bllokuar për afër 15 orë.
“Tani janë duke dalë edhe tre minatorët e fundit nga miniera”, tha Januzi.
Ai gjithashtu tregoi se gjendja e tyre është stabile, përkundër shqetësimeve që kanë pasur për shkak të kohës së gjatë brenda.
“Edhe gjendja e tyre është stabile, përveç se normale kanë pasur shqetësime, pasi ka qenë kohë e gjatë që janë brenda”, tha Januzi.
