Luljeta Aliu, e njohur për mbështetjen e saj ndaj pushtetit, është zgjedhur sot anëtare e Komisionit të Pavarur të Mediave.
Për zgjedhjen e saj ka reaguar deputetja e AAK-së, Albana Bytyqi,
Bytyqi, përmes një postimi në profilin e saj në rrjetin social Facebook, ka shkruar se Lëvizja Vetëvendosje e politizoi edhe KPM-në.
Ajo, ka shkruar se është tejet shqetësuese se deri ku ka shkuar niveli i këtij pushtetit.
Postimi i saj i plotë:
Përgëzime edhe njëherë Lëvizjes Vetëvendosjes, për politizimin e KPM-së, duke përzgjedhur sot, si anëtare të këtij Komisioni përkrahësen dhe militanten e tyre, znj. Luljeta Aliu.
Tejet shqetësuese se deri ku ka shkuar niveli i këtij pushteti dhe çfarë është në gjendje të bëjë për të kapur secilin institucion për ta ushtruar ndikimin e tij.
