Presidenti i Shqipërisë, gjatë vizitës që po bën në Prizren në përvjetorin e Lidhjes së Prizrenit, ka zhvilluar edhe një takim me kryetarin e kësaj komune, Shaqir Totaj.
Begaj fillimisht ka marrë pjesë në ceremoninë e cila është mbajtur për nder 145 vjetorit të themelimit të Lidhjes Shqiptare të Prizrenit.
Ndërkohë, ka marrë pjesë edhe në seancën e Kuvendit Komunal.
Kryetari i Prizrenit Totaj tha se patriotët tanë u mblodhën për të bashkuar forcat para 145 viteve, ndërsa, sot drejtuesve të institucioneve shqiptare i mbetet për të bashkëpunuar.
Bajram Begaj tha se të gjitha arritjet e popullit shqiptar kanë rrënjët te vizioni i Lidhjes së Prizrenit, derisa ka bërë thirrje për bashkim në të mirën e kombit shqiptar.