Kryetari i Aleancës Kosova e Re (AKR), Behgjet Pacolli, ka shprehur ngushëllime për vdekjen e biznesmenit dhe ish-kryeministrit italian, Silvio Berlusconi.
Përmes një postimi në Facebook, Pacolli shkruan se ai ishte jo vetëm një nga njerëzit më të suksesshëm në fushën e biznesit italian, i cili sipas tij, krijojë mirëqenje për qindra mijëra familje), por edhe një person shumë human, miqësor, i ndershëm dhe i palodhur në punë.
“Sot ndërroi jetë Silvio Berlusconi. Ai ishte jo vetëm një nga njerëzit më të suksesshëm në fushën e biznesit italian (i cili krijojë mirëqenje për qindra mijëra familje), por edhe një person shumë human, miqësor, i ndershëm dhe i palodhur në punë.
Ai do të kujtohet përjetë si një person që ka qenë në krah të njerëzve dhe i ka ndihmuar ata gjatë gjithë jetës së tij, ndërkohë që kundërshtarët e tij e kanë luftuar me padrejtësi. Prehu në paqe mik i dashur!”, shkruan Pacolli.
