Kompania Rajonale e Ujësjellësit “Prishtina” njofton se pasditen e së Mërkurës në qendër të qytetit në Prishtinë, në rrugën “Agim Ramadani”, është dëmtuar gypi i ujësjellësit me diametër fi 200 mm.
Sipas njoftimit, ky dëmtim ka ndodhur nga palë të treta, konkretisht nga kontraktori i Termokosit.
Tutje kompania njofton se pa furnizim me ujë të pijshëm mbeten banesat te rruga “Agim Ramadani”.
“Ekipet teknike janë në vendin e ngjarjes dhe po merren me sanimin e gypit”, thuhet në njoftimin e Kompanisë Rajonale të Ujësjellësit “Prishtina”.
