Kryeministri i Shqipërisë, Edi Rama, ka treguar se ka raporte të mira personale me kryeministrin e Kosovës, Albin Kurti, por ka probleme me qëndrimet e tij si kryeministër.
“Me kryeministrin e Kosovës unë tani kam një divergjencë shumë të madhe, për arsye të këtij izolimi, ose thënë më saktë vetizolimi, një izolim i çuditshëm që po ua imponon forcërisht qëndrimi i Kosovës, aleatëve dhe miqve tanë”, tha Rama.
Ndryshe, sot kryeministri Rama ka zhvilluar takim me presidenten e Kosovës, Vjosa Osmani, kryeparlamentarin Glauk Konjufca, por jo edhe me kryeministrin Kurti.
Kurti ka refuzuar të takohet me Ramën për shkak të anulimit të dy mbledhjeve të dy qeverive.