Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë kundër Korrupsionit në mbledhjen e së hënës ka miratuar një varg projektligjesh.
Opozita nuk ka marrë pjesë në mbledhje, për shkak të bojkotimit të punës së Kuvendit, pas masave të ShBA-së e BE-së.
Fillimisht u miratua Projektligji për Prokurorinë Speciale. Kryetari i Komisionit Adnan Rrustemi tha se grupi punues e ka shqyrtuar këtë projektligj dhe e ka paraqitur raporton me amendamente.
“Grupi punues ka shqyrtuar projektligjit dhe ka paraqitur raportit me amendamente”, tha ai.
Ky komision po ashtu ka miratuar edhe Projektligjin për ndryshimin dhe plotësimin e Kodit të procedurës penale dhe Projektligjin për plotësimin dhe ndryshimin e Kodit Penal.
Është miratuar edhe Raportit me amendamente për Projektligjin për Sistemin Qendror të Evidencës Penale të Kosovës.
Deputeti i VV-së, Dimal Basha i cili ishte kryesues i këtij grupi punues, tha se janë marr të gjitha rekomandimet si nga ambasadat, këshilltarët dhe qëllimi është që ky ligj të jetë i qartë për Sistemin Qendror të Evidencës Penale të Kosovës.
Komisioni po ashtu ka miratuar edhe propozimin të Gjykatës Supreme me kandidatët për pozitën e një anëtari në Komisionin për Kërkesa Pronësore të Agjencisë Kosovare për Krahasim dhe Verifikim të Pronës, e kandidatë për këtë pozitë janë Meleqe Bexheti dhe Vjosa Nimani Zylfiu.
Po ashtu është miratuar edhe raporti me amendamente i Komisionit funksional për Projektligjin verëra.
