Fadil Maloku, analist dhe profesor universitar, ka reaguar pas arrestimit të Faruk Mujkës, kryeshefit të emëruar nga Qeveria Kurtit në bordin e ndërmarrjes Ibër-Lepenci, që njëherit është edhe anëtar i VV-së.
Maloku ka pyetur me ironi “edhe ju të VV-së vjedharasha a?”.
Profesori i sociologjisë e ka konsideruar si shumë skandaloze arrestimin e Mujkës.
Postimi i plotë:
Edhe Ju (të VV!) "Brut"... vjedharasha a!?
Kjo është dëshmia më e mirë se krimi e hajnia s'mund ta kenë "mburojë" as partinë e as ideologjinë, po vetëm lakminë e profiterinë!
Natyrën dhe prirjen e njeriut për destruksion e sjellje deviante, e "rahaton" vetëm "butësia" e peshores së drejtësisë dhe ajo e sundimit të ligjit!
Andaj, gjithë "mekanizmat" (partiak e ideologjik) mbrojtës që një funksionar publik në Republikën e Kosovës, i shfrytëzon për të krijuar imunitet politik janë vetëm broçkulla!
Shumë skandaloze, Faruk djali!
