Kryetari i Shoqatës së Familjarëve të Dëshmorëve të UÇK-së, Xhavit Jashari, thotë që shoqatat e dala nga lufta do ta presin interpretimin e Gjykatës Kushtetuese sa i përket Ligjit për Pagën Minimale.
Megjithatë, Jashari thotë se nëse merret ndonjë vendim nga Qeveria për rritjen e pagës minimale para se të marrë vendim Kushtetuese, atëherë shoqatat e dala nga lufta do të reagojnë.
“Nëse kjo Qeveri e bën ngritjen e pagës minimale ku përjashtohen veteranët atëherë ne nuk do ta presim as interpretimin e Kushtetueses dhe do të marrim qëndrimet edhe vendimet tona që i kemi bërë publike më herët”, ka thënë Jashari në Ditari në Tëvë 1.
Ndryshe, ligji për pagën minimale ka marrw shumicwn e votave më datën 13 korrik.
