Deputetet e PDK-së me aksion në Kuvend - dështon seanca e fundit e sesionit pranveror

Seanca e fundit plenare e thirrur për të premten (sot) nuk është mbajtur në mungesë të deputetëve.

Në mungesë të deputetëve, pas një orë pritjeje, nënkryetarja e Kuvendit, Saranda Bogujevci, e mbylli punën e legjislativit për këtë sesion.

Kjo duke iu dëshiruar deputetëve pushime të këndshme.

Bogujevci u tha deputetëve: Shihemi në shtator.

Dy deputetet e PDK-së, Ganimete Musliu dhe Ariana Musliu-Shoshi larguan sot pengesat që iu janë vendosur gazetarëve në sallën plenare të Kuvendit të Kosovës.

Sikurse dje, edhe në seancën e sotme, në pjesën e mediave në hapësirat e Kuvendit të Kosovës, ishte vendosur një shirit, duke i zhvendosur më prapa gazetarët dhe kameramanët, të cilët përcjellin punën e legjislativit.

Kjo edhe pamundësonte pamjen e plotë të sallës plenare të Kuvendit.

Nga ky institucion thanë se shiriti është vendosur për shkaqe sigurie.

Administrata e Kuvendit, e ka hequr shiritin që u kufizonte qasjen medieve në seancë. Krejt kjo pas insistimit të gazetarëve e kameramanëve, duke pohuar se do ta bojkotonin përcjelljen e seancës.

Të enjten Kuvendi është arsyetuar se ka vendosur shiritin për shkaqe sigurie.

Në ballkonin e Kuvendit, nga ku mundësohet pamja e plotë e sallës së seancave, janë vendosur rregullisht ekipet e gazetarëve që kanë përcjellë seancat.

Ajo është hapësira e vetme nga e cila gazetarët mund t’i përcjellin punimet e Kuvendit.

Shtyrja prapa e ekipeve, kufizon pamjen e plotë të sallës së seancave. Për veprimin e njëjtë gjatë ditës së djeshme, gazetarët bojkotuan seancën.

Kuvendi i Kosovës, sot do të mban seancë plenare, në të cilën në rend ditë janë disa marrëveshje ndërkombëtare dhe projektligje.

Seanca do të fillojë me deklarimet jashtë rendit të ditës dhe pyetjet parlamentare.

Pas këtyre pikave janë votimi në parim i Projektligjit për shëndet riprodhues dhe fertilizim të asistuar mjekësor, votimi i Projektligjit për ratifikimin e Marrëveshjes së kredisë dhe projektit ndërmjet Republikës së Kosovës, përfaqësuar nga Ministria e Financave, Punës dhe Transfereve, KOSTT (Operator Sistemi, Transmisioni dhe Tregu sh. a.) dhe KFË, Frankfurt Am Main (KFË) për Projektin -Zhvillimi i sektorit të energjisë VII – përmirësimi i rrjetit të transmetimit, votimi i Projektligjit për ratifikimin e Marrëveshjes së kredisë në mes të Republikës së Kosovës dhe Bankës Evropiane për rindërtim dhe zhvillim për Projektin “Ngrohtorja solare e Prishtinës”,  votimi i Projektligjit për ratifikimin e Marrëveshjes për bashkëfinancimin e bursave të arsimit të lartë në nivelin master në mes Ministrisë së Arsimit, Shkencës, Teknologjisë dhe Inovacionit dhe Ambasadës së Francës në Prishtinë, votimi në parim i Projektligjit për tekstet shkollore, raporton RTKlive.

Po ashtu do të bëhet edhe shqyrtimi i Projektligjit për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar, shqyrtimi i Projektligjit për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve daneze, zgjedhja e Komisionerit Parlamentar për Forcën e Sigurisë së Kosovës, formimi i Komisionit Ad-hoc për përzgjedhjen e dy anëtarëve nga radhët e komunitetit shqiptarë në Komisionin e Pavarur për Media, shqyrtimi i rekomandimit të Komisionit për ekonomi, industri, ndërmarrësi dhe tregti për shkarkimin e kryesueses dhe anëtarët e Bordit të Komisionit për Pavarur për Miniera dhe Minerale, shqyrtimi i dytë i Projektligjit për Pronën Publike, shqyrtimi i dytë i Projektligjit për Prokurorinë Speciale, Shqyrtimi i dytë i Projektligjit për plotësimin dhe ndryshimin e Kodit nr. 06/L-074 Penal të Republikës së Kosovës, shqyrtimi i dytë i Projektligjit për Procedurën Penale, shqyrtimi i dytë i Projektligjit për Sistemin Qendror të Evidencës Penale të Kosovë,shqyrtimi i parë i Projektligjit për artin dhe kulturën, shqyrtimi i parë i Projektligjit për vlerësimin strategjik mjedisor, shqyrtimi i parë i Projektligjit për performancën energjetike të ndërtesave, shqyrtimi i parë i Projektligjit për administrimin e ndërtesave dhe lagjeve të banimit në bashkëpronësi, shqyrtimi i parë i Projektligjit për ndryshimin dhe plotësimin e Ligjit për zyrtarët publikë dhe shqyrtimi i parë i Projektligjit për Agjencinë e Regjistrimit Civil.