Dy deputetet e PDK-së, Ganimete Musliu dhe Ariana Musliu-Shoshi larguan sot pengesat që iu janë vendosur gazetarëve në sallën plenare të Kuvendit të Kosovës.
Sikurse dje, edhe në seancën e sotme, në pjesën e mediave në hapësirat e Kuvendit të Kosovës, ishte vendosur një shirit, duke i zhvendosur më prapa gazetarët dhe kameramanët, të cilët përcjellin punën e legjislativit.
Kjo edhe pamundësonte pamjen e plotë të sallës plenare të Kuvendit.
Nga ky institucion thanë se shiriti është vendosur për shkaqe sigurie.
