Ministria e Industrisë, Ndërmarrësisë dhe Tregtisë (MINT) njofton se konkursi për 27 inspektorë të tregut, nga sot është i hapur për aplikim.
MINT njofton se do të punësoj 27 inspektorë të tregut, për të rritur mbikqyrjen e tregut dhe cilësinë e shërbimeve për qytetarët dhe bizneset në vend.
“Inspektorati i Tregut në kuadër të MINT, që nga themelimi e deri më tani, është duke funksionuar me vetëm 15 inspektorë të tregut në tërë territorin e Republikës së Kosovës, kurse me pranimin e 27 inspektorëve të rinj, do të funksionojë me 42 inspektorë të tregut”, njofton tutje Ministria e Industrisë, Ndërmarrësisë dhe Tregtisë.
Në këtë njoftim thuhet se me mbikëqyrjen “e përmirësuar” të tregut, MINT synon që tregu të funksionojë më mirë e me rregulla të barabarta.
“Kjo është një mundësi e mirë për të filluar një karrierë në fushën e inspektimit të tregut dhe të zhvillimit profesional, prandaj MINT inkurajon të gjithë aplikuesit potencial që plotësojnë kualifikimet minimale, të aplikojnë”, thuhet tutje në njoftmin e MINT-it.
