Ministri i Mbrojtjes, Armend Mehaj ka dhënë dorëheqje nga dikasteri të cilin e ka udhëhequr deri më tash.
Kështu kanë bërë të ditur burime të Kp brenda Qeverisë së Kosovës.
Ende nuk dihen arsyet e dorëheqjes së tij.
Kujtojmë se, vetëm një ditë më parë, Mehaj u krenua me realizimin e planit të punës, ku vetëm për periudhën janar – qershor të këtij viti, ka shkruar se është realizuar 90 përqind e planit.
Ndërsa nuk munguan as shkrime të tjera, ku përkrah kryeministrit Kurti u pa dje (e hënë) në Gjakovë, me rastin e 25-vjetorit të rënies së katër dëshmorëve të familjes Lleshi.
Ndryshe, në media po raportohet se Mehaj do të zëvendësohet nga koloneli i Forcës së Sigurisë së Kosovës, Ejup Maqedonci.
