Ardian Kastrati, deputet nga radhët e Partisë Demokratike të Kosovës, ka reaguar në lidhje me aksionin e sotëm në Ministrinë ë Industrisë, Ndërmarrësisë dhe Tregtisë, ku u arrestuan zyrtarët e kësaj ministrie Hafiz Gara dhe Irfan Lipovica, si dhe biznesmeni Ridvan Muharremi, i dyshuar për përfshirje në keqpërdorimet me rezerva shtetërore.
Në reagimin e tij, Kastrati ka thënë që kryeministri i vendit, Albin Kurti, është “koka e krimit”.
Sipas tij, ai “duhet të arrestohet sot pasdite”.
“Ndue Gjini tha që Ridvani po thotë se Albini tërë kohën po e pyet: ‘Ridvan, kur po vjen vajii bre? Kjo i bie që Albini është koka e krimit. Kurti duhet me u arrestu sot pasdite”, thuhet në reagimin e Kastratit.
