Ish-diplomati, Anton Berisha ka thënë se fati i Kosovës tashmë është zëvendësuar me “çështjen e kryeministrit të Kosovës, Albin Kurti dhe të konservatizmit fanatik”.
Përmes një postimi në Facebook, Berisha ka thënë se tash e më shumë se një shekull, nuk pyetet se çka është mirë apo keq për Kosovën, por si i bie “Kurtit dhe ideologjisë së tij”.
“Çështjen dhe fatin e Kosovës, si një temë thelbësore për kombin shqiptar për më shumë se një shekull, e kemi zevendësuar me çështjen e fatin e Albin Kurtit dhe të konservatizmit fanatik. Tash, nuk pyetet se çka i bie mirë a keq Kosovës e si vetë perspektiva e saj por si i bie Kurtit dhe ideologjisë së tij”, ka shkruar Berisha.
Sipas tij, jo vetëm përkrahësit e tij, por edhe politikanë të profilit të lartë në vend që të “japin alternativë për shtetin e kombin duke pasur referencë Kurtin”.
“Për fat të keq, jo vetëm përkrahësit e tij, por edhe politikanë të profilit të lartë në vend që të japin ide duke pasur parasysh shtetin e kombin japin alternativë duke pasur referencë Kurtin, e me kopjim te diskursit te tij, të fjalëve e rrugëve të bukura e të reja që në përmbajtje janë të njëjta me të – boshe”, ka vijuar ai.
