“Më parë e vras Albin Kurtin sesa që ia lëshoj rrugën e iku nga Kosova”, kështu është shprehur Faton Klinaku nga OVL-UÇK, ndaj të cilit tashmë kanë filluar edhe hetimet nga Prokuroria.
Mirëpo, para Klinakut ishin zyrtarët serbë që thanë se “vetëm plumbi e ndal Albin Kurtin”.
Për çudi, në Kosovë nuk pati edhe shumë reagime ndaj Klinakut, ndërsa e tmerrshme është fakti se ka edhe të tillë që pajtohen me këto deklarata.
E ai që pajtohet është Sami Lushtaku ish-kryetari i Skenderajt.
Për këto deklarata ka reaguar profesori dhe analisti politik Enver Bytyçi.
“Zyrtarët serbë: -Samo je metak zaustavio Albina… (Vetëm plumbi e ndal Albinin)
Klinaku: - Përpara e vras Albinin, se iki...
Lushtaku: Edhe unë si Klinaku mendoj..
Të tri deklaratat janë bërë njëra pas tjetrës nga e hëna deri të martën!”, shkruan profesor Bytyçi në Facebook.
