Përfaqësuesi i Lartë i Bashikimit Evropian për Punë të Jashtme dhe Siguri, Josep Borrell, është deklaruar për takimin e sotëm në kuadër të dialogut të lehtësuar nga Bashkimit Evropian.
Borrelli dhe i dërguari special i Bashkimit Evropian për dialogun, Miroslav Lajçak, fillimisht kanë pritur në takim nga ora 9:00, presidentin serb Aleksandar Vuçiq, ndërsa më pas kryeministrin e Kosovës, Albin Kurti, raporton Klankosova.tv.
Në lidhje me këtë pak momente më parë ka dalë me një reagim Borrelli, ku ka thënë se është koha për të filluar zbatimin e marrëveshjes.
“Është koha për të filluar seriozisht zbatimin e marrëveshjes në rrugën e normalizimit. Sot do të shohim nëse janë gati të marrin përgjegjësi”, shkroi Borrelli.
Përndryshe, edhe takimi trilateral në mes palëve ka filluar minuta më parë.
