Emisari i BE-së, për dialogun Kosovë – Serbi, Miroslav Lajçak është takuar me presidenten e Kosovës, Vjosa Osmani, në Neë York të ShBA-së.
Ai ka njoftuar se me presidenten Osmani kanë diskutuar për dialogun dhe për zbatimin e Marrëveshjes Kosovë – Serbi, derisa shtoi se kanë rënë dakord t’i vazhdojnë diskutimet.
“Pati një bisedë të detajuar dhe të dobishme me Presidenten VjosaOsmani për gjendjen e dialogut dhe rrugën përpara në avancimin e zbatimit të Marrëveshjes në rrugën e normalizimit. Ramë dakord të vazhdojmë diskutimin tonë”, ka thënë ai.
Ditë më parë emisari Lajçak morri akuza të rënda nga kryeministri i Kosovës, Albin Kurti, i cili tha se ai po koordinohet me Serbinë.
Akuzat e Kurtit i ka mohuar Bashkimi Evropian duke i quajtur të pa baza.