Ish-ministri i Mbrojtjes, Armend Mehaj ka kujtuar Fehmi dhe Xhevë Lladrovcin në 25 vjetorin e vdekjes së tyre.
“Fehmiu dhe Xheva, binomi i pandashëm i përpjekjeve për shtetësi, u flijua në luftën për çlirimin e Kosovës nën emblemën e Ushtrisë Çlirimtare të Kosovës, ushtri e cila beri realitetin çlirimin e Kosovës”, tha Mehaj në një postim në Facebook.
Tutje ish-ministri tha se kjo ditë bëhet edhe më krenare pas diplomimit të 302 ushtarëve të rinj ndërsa tha se rrugën e Fehmiut dhe Xhevës e ndjekin ushtarët e rinj.
“Sot, rrugën e Fehmiut dhe Xhevës e trasojnë dhe me mijëra ushtarë të FSK-së, të cilët kanë vetëm një atdhe, Kosovën, dhe vetëm një komandant të përjetshëm, Adem Jasharin, e që amaneti i tyre i përmbushur është Kosova në NATO”, tha ish-ministri Mehaj.
