Eksperti i sigurisë, Bedri Elezi tha për “Good Morning Albanians”, se monedhat false në Kosovë futen kryesisht nga Serbia dhe nga Bullgaria.
Ai tha se falsifikimi i tyre ka nisur që prej vitit 2002, por pas pandemisë është shtuar fluksi i përdorimit të tyre edhe është kthyer në një shqetësim shumë serioz.
“Falsifikimi i kartëmonedhës 5 euro dhe 2 euro, rezulton nga viti 2002 dhe tutje, por nga koha e pandemisë e deri më tani, mund të themi se në tregun e Kosovës, por edhe në rajon, është një fluks i madh i përdorimit apo një fluks i madh i përdorimit të këtyre mjeteve dhe është një shqetësim serioz.
Kryesisht kjo monedhë e falsifikuar vjen nga Serbia dhe nga Bullgaria. Nëse flasim për përqindje, diku te 70% vijnë nga Serbia dhe 30% vijnë nga Bullgaria”-tha Bedri Elezi.
