Nëntë persona janë arrestuar në operacionin Anti-terror të policisë në fshatin Banjskë të Zveçanit.
Por, në mungesë të provave Prokuroria Speciale i ka liruar gjashtë prej tyre në mungesë të provave.
E avokati Tomë Gashi, tha në Edicionin Special në Klan Kosova se kjo prokurori duhet të jap sqarim se pse ndodhi lirimi i terroristëve.
“Terrorizmi nuk është që po e rrezikon vetëm një person, por po e rrezikon krejt shtetin e Kosovës dhe ndoshta edhe regjionin”, tha Gashi.
Në orët e para të së dielës një sulm i organizuar terrorist ndodhi mbi policinë e Kosovës, ku mbeti i vrarë rreshteri Afrim Bunjaku.
Reagimi i organeve të rendit të Kosovës ishte shumë i shpejt duke u kundërpërgjigjur me vrasjen e tre pjesëtarëve të grupit terrorist serb.
Rreshteri Bunjaku u varros me nderime të larta shtetërore në fshatin Samadrexhë të Vushtrrisë.
Ai u shpall edhe “Hero i Kosovës”.
