Komisioneri për Fqinjësi dhe Zgjerim, Oliver Varhelyi, dje ka njoftuar për një takim me ministren serbe për Integrime Europiane, Tanja Misceviq, duke thënë se ka inkurajuar Serbinë “të vazhdojë të tregojë përkushtimin e saj” për të përmbushur kushtet drejt BE-së.
Këtë e ka kritikuar analisti politik, Agon Maliqi, i cili tha mosndëshkimi Serbisë për sulmin terrorist të Banjskës dhe inkurajimi i saj, do të çojë në përshkallëzime.
“Kanë kaluar pothuajse tre javë që kur një kryengritje e armatosur nga një strukturë e sponsorizuar nga shteti i Serbisë u pengua në Kosovë nga policia dhe NATO. Zero masa ndëshkuese të marra nga BE-ja, vetëm fjalë inkurajimi. Me këtë nivel parandalimi, përshkallëzimet janë të garantuara”, ka shkruar Maliqi, duke shpërndarë në X postimin e Varhelyi.
Open discussion w/ 🇷🇸 Minister of European Integration Tanja Miscevic
— Oliver Varhelyi (@OliverVarhelyi) October 11, 2023
I encourage #Serbia to continue show its dedication to deliver on outstanding rule of law issues & to ensure implementation of recent laws
Our meeting confirms that 🇪🇺Reform agenda is a top priority for 🇷🇸 pic.twitter.com/n5SEMkSeyC
Komisioneri europian tha se takimi me ministren serbe ka konfirmuar agjendën europiane të reformave të Serbisë.
“Diskutim i hapur me ministren serbe të Integrimeve Europiane Tanja Misceviq. E inkurajoj Serbinë të vazhdojë të tregojë përkushtimin e saj për të përmbushur çështjet e jashtëzakonshme të sundimit të ligjit dhe për të siguruar zbatimin e ligjeve të fundit. Takimi ynë konfirmon se agjenda europiane e reformës është një prioritet kryesor për Serbinë”.
