Kryeministri i Kosovës, Albin Kurti, pas takimit të djeshëm në Bruksel me liderët e Bashkimit Evropian, ka mbajtur sot konferencë për media ku ka dhënë detaje rreth pranimit të marrëveshjes Bazike.
Kryeministri i Kosovës, Albin Kurti, ka thënë se pesëshja perëndimore u ka thënë se drafti i Asociacionit do të kontrollohej menjëherë nga Gjykata Kushtetuese.
“Më 21 tetor, nga emisarët amerikano-evropianë na është thënë se drafti për vetëmenaxhim është shkruar me kujdes ndaj shkronjës dhe strukturës së Kushtetutës dhe ligjeve të Republikës së Kosovës dhe që nëse do të nënshkruhej aty parashihej që ta kontrollonte Gjykata Kushtetuese menjëherë, pra që Kushtetuesja të japë vlerësimin e saj për kushtetutshmërinë e këtij propozimi si përgjigje”, ka thënë Kurti.
Ndryshe, dje në Bruksel, Vuçiqi nuk ka pranuar të nënshkruajë marrëveshjen.
