Ish-presidenti i vendit, Behgjet Pacolli, ka reaguar pas arrestimit të Naim Murselit, për vrasjen e Liridona Murselit.
Në një postim në facebook Pacolli ka përgëzuar Policinë e Kosovës, për punën e saj profesionale në zbardhjen e rastit.
Ai ka bërë thirrje që autorët e krimit të dalin para drejtësisë dhe të marrin dënimin maksimal
Postimi i plotë:
Sot, fëmijët dhe familja kanë varrosur Liridonën, një vajzë dhe nënë të re e cila u vra mizorisht. Jam ende i tmerruar dhe i tronditur nga vrasja e Liridonës, të cilën e kam njohur personalisht. Sot dhe çdo ditë, lutjet dhe mendimet e mia janë me fëmijët dhe familjen e Liridonës.
I përgëzoj policinë e Kosovës për punën e madhe dhe profesionale që po bëjnë për zbulimin e rastit. Kushdo qoftë mbrapa këtij akti të tmerrshëm dhe makabër ( akt i pa parë ne traditën tonë), duhet të dalë para drejtësisë dhe të merr dënimin maksimal për këtë.
Sot, dy fëmijë janë pa nënën e tyre, të cilës jeta u mor në rininë e saj.
E pabesueshme dhe e trishtueshme.
Jam ende i shokuar!
