“Sekreti” i heqjes së urdhërarrestit ndaj Radoiçiqit, Basha kërkon sqarime nga kryeprokurori Isufaj

Aktuale

“Sekreti” i heqjes së urdhërarrestit ndaj Radoiçiqit, Basha kërkon sqarime nga kryeprokurori Isufaj

Më: 5 janar 2024 Në ora: 17:38
Dimal Basha dhe Blerim Isufaj

Deputeti nga radhët e Lëvizjes Vetëvendosje, Dimal Basha, ka kërkuar sqarime nga kryeprokurori i Prokurorisë Speciale të Kosovës, Blerim Isufajt, për dhënien e pëlqimit për heqjen e urdhërarrestit ndaj Radoiçiqit.

Isufaj në një konferencë për media ditë më parë, ka thënë se tërheqja e urdhërarrestit është bërë me miratimin e tij, por që nuk mund të tregojë arsyet se pse ka ndodhur ajo.

“Prokuroria në Serbi e lë Radojçiqin të qarkullojë lirshëm! Edhe në Kosovë njëjtë, Prokuroria jonë ia pati tërhequr fletarrestin derisa ai kontrollonte krimin në veri!”, ka shkruar ai.

Tutje, deputeti i VV-së ka thënë se “nuk pres me na tregu kryeprokurori në Beograd pse e kanë liruar një terrorist, por pres që kryeprokurori Prokurorisë Speciale në Kosovë, përkatësisht Blerim Isufaj, me na tregu cili ishte sekreti me leju Radojçiçin të lirë?!”.

“Kryeprokuror, çka do që na tregon nuk është më sekrete, përndryshe më shqetëson fakti që Prokuroria jonë dhe ajo në Beograd ka trajtim të njëjtë ndaj një krimineli si Radojçiç!”, ka përfunduar Basha. 

commentFirst article
Sot mund të lexoni Shfletoni kopertinat