Ish-ministri i Kulturës, Astrit Haraqija dhe djali i ish-presidetit Ibrahim Rugova, Uka, kanë festuar me kreun e BDI-së Ali Ahmeti, zgjedhjen e Talat Xhaferit – kryeministër i Qeverisë së Maqedonisë së Veriut.
Në një inkuadrim në programin e “RADIO 1”, ata kanë uruar shqiptarët për arritjen e madhe të këtij trinomi prej tre kryeministrash shqiptarë në shtetet e kësaj pjese të rëndësishme të Ballkanit perëndimorë.
“Nga Ilirida, urojmë shqiptarët, koha është ari”, ka thënë Haraqija në “RADIO 1”.
Ndryshe, Talat Xhaferi është zgjedhur kryeministër i Qeverisë teknike të Maqedonisë së Veriut, duke u bërë shqiptari i parë që do të mbajë këtë post në këtë shtet.
Për zgjedhjen e ekzekutivit, që ka mandat prej 100 ditësh, votuan 65 deputetë, 3 ishin kundër dhe asnjë abstenim.
Qeveria teknike e Xhaferit ka mandat organizimin dhe mbarëvajtjen e zgjedhjeve parlamentare të caktuara për 8 maj.
