Analisti Ben Andoni ka thënë se Serbia mund të bëjë sërish sulme në Kosovë, si rasti i fundit në Banjskë.
Andoni në Euronews Albania tha se ndërkohë që Rusia kërkon destabilizimin e rajonit problemi më i madh për Kosovën se edhe pa e krijuar Asociacionin po përballen me shqetësime reale.
Sipas Andonit, shumë personazhe janë infiltruar në strukturat e brendshme në pritje të urdhrave nga Beogradi, ata sipas analistit mund të bëjnë sulme të ngjashme si ai i Banjskës, por jo në të njëjtin vend.
“Rusia do të zhvendosë jashtëzakonisht vëmendjen nga hapësira e saj, por ndërkohë do të hapë disa fronte në të njëjtën kohë. E para pjesëmarrja në Interpol. Unë besoj se edhe ajo nga ana e saj do të bëjë lëshime, sepse Interpoli ka një listë të tërë dhe nuk i kushton asgjë që edhe ata të japin njerëz të cilët mund të fshihen në Rusi.
Ndërkohë do të fashisë shumë atë që të gjithë po presin në Bosnjë Hercegovinë, e mbi të gjitha ngjarjet në Kosovë. Duket hapur se të paktën jo thjeshtë njerëz profesionist, por individë të ndryshme e shikojnë problematikë dhe po mendojnë masa reale se si të përballin aksionin tjetër që do të bëjnë serbët. Unë shpresoj që të mbetet në tentativë, por nuk e besoj. Kur them aksion tjetër, mendoj se do jetë i ngjashëm me Banjskën. Diçka hibride, jo prapë në të njëjtin vend”, tha Andoni.
