Emisari i Shteteve të Bashkuara të Amerikës për Ballkanin Perëndimor Gabriel Escobar, gjatë qëndrimit të tij në Kosovë, e ka vizituar edhe komunën e Pejës ku është pritur nga kryetari i saj, Gazmend Muhaxheri.
Escobar u takua sot edhe me minoritetin serb, në fshatin Gorazhdec.
Lidhur me vizitën e zyrtarit të lart amerikan në këtë komunë, detaje për në Info Magazine dha Muhaxheri.
Ai e komentoi edhe vendimin e djeshëm të Qeverisë së Kosovës, për 25 hektarët që iu transferuan Manastirit të Deçanit.
I pari i Pejës tha se “Qeveria e Kosovës është dashur qysh në momentin e parë ta respektojë vendimin e Gjykatës Kushtetuese”.
“Besoj që shteti i Kosovës duhet të sillet karshi kërkesave që i ka bota e civilizuar dhe t’i përmbush këto kërkesa”, tha Gazmend Muhaxheri.
