Reperi, Arian Agushi, i njohur edhe si, Gold Ag, i ka reaguar aktorit kosovar, Enver Petrovci, i cili në një intervistë të fundit ka folur me një gjuhë shumë përçmuese ndaj krerëve të UÇK-së.
Sipas Petrovcit, krerët e UÇK-së “lufta i ka bërë”, përndryshe sipas tij, pa luftë do të ishin “do mësuesa e do badigarda”,
Reperi ka treguar që ka respekt të madhe për aktorët kosovarë, por, që “duhet me pas kujdes” kur flitet për luftëtarët e Ushtrisë Çlirimtare të Kosovës (UÇK).
“Po them me plot respektin për këta aktorë, në shumicën e videoklipeve të mija, domethënë plot videoklipe kam aktorë gjeneratorë të vjetër, këta ata aktorë. Kushdo qoftë që janë, që edhe që e ndjek këtë emision, edhe do që nuk janë, për fat që keq, edhe do që kanë ndërru jetë që i kam pas këto klipe, e dinë sa i duhet, sa i çmoj… Ama kur të fyhet diçka që ti e ke simbol, kur të fyhet diçka që fal tyre, domethënë, ka ndodhë shumë sende që me ardhë kjo liri që jemi sot, që me fol në atë lirë, edhe unë tash para teje edhe dikush tjetër kudo koftë duhet me pas pak kujdes”, ka thënë Gold Ag, në emisionin “Fundjavë”.
“Mësues ka qenë edhe Shaban Jashari, që paska pas me mbetë edhe ai mësues, paska mujt me u dukur gjëjsh kurrkush paska mujt me qenë. Sipas deklaratës, domethënë që bodyguard, mësues i ka lindë koha, po koha i lind trima, momentin e kanë, ndoshta edhe me dasht me u konë, s’mund me u konë ai”, ka shtuar reperi.
