Ka zhvillime të reja në protestën e organizuar nga qytetarët e Skenderajt në fshatin Tërrnavc. Aty vazhdimisht është duke u rritur numri i protestuesve, derisa kanë arritur edhe forcat e KFOR-it.
Pos barrikadimeve në rrugë aty ka edhe lëvizje të njerëzve edhe në pikat strategjike në kodrat përreth të lokacionit në fjalë.
Që nga mëngjesi i hershëm i ditës së sotme qytetarë të Drenicës në shenjë protesete kundër paralajmërimit të vizitës së Presidentit të Serbisë, Aleksandër Vuçiq në fshatin Banjë të Skenderajt kanë bllokuar rrugën në fshatin Tërrnavc.