Publicisti Faton Abdullahu në emisionin Zona e Debatit ka dhënë versionin e tij në lidhje me atë se çfarë rezultatesh po jep propozimi i Hashim Thaçit në lidhje me kufijtë për të ardhmen e shtetit të Kosovës.
“Ka mospajtime te mëdha brenda vete pozitës sa i përket propozimit të Thaçit dhe në raport me opozitën. Nëse vazhdon kjo gjendje kështu, po krijon disa të këqija që mund të vazhdojnë, qofte mospajtime qe po ndodhin për herë të parë”.
“Kështu po trimërohet faktori serb qe nuk e njeh Kosovën. Propozimi i Thaçit po i trimëron serbët. Faktori zyrtar i Beogradit është trimëruar dhe e ka gjetur justifikimin, që shteteve të ndryshme që ende nuk na kanë njohur të mund t’i thotë ‘mos e njihni Kosovën se ka ende shumë probleme që duhen zgjedhur’. Por mund t’i thonë edhe shteteve që na kanë njohur që t’i rishqyrtojnë njohjet sepse do të ketë ndryshime”.
“Serbia është trimëruar tani dhe i fërkon duart se mund te marre tokë”, ka deklaruar ai.
