Kryeministri i Kosovës Ramush Haradinaj në një postim në Facebook ka shkruar për 110 vjetorin e alfabetit shqip.
Ai ka thënë se kjo ngjarje ka dy dimensione historike për shqiptarët.
Postimi i kryeministrit:
Para 110 vitesh, intelektualë e atdhetarë shqiptarë përmbyllën monumentin më kulmor të Rilindjes në Manastir, ku u vu gurthemeli i alfabetit shqip. Kjo ngjarje madhore ka dy dimensione historike për shqiptarët - Gjuha shqipe ndikoi në unifikimin e kombit dhe vendosja për alfabetin e shqipes me shkronja latine, ishte përcaktues për orientimin tonë Perëndimor. Kthesa historike, e vendosur nga intelektualët tanë të atëhershëm, vazhdon të jetë në thelb të vizionit tonë.
