Ushtruesi i detyrës së ambasadorit të Kosovës në Gjermani, Astrit Zemaj, ka publikuar një fotografi të rrallë të presidentit historik Ibrahim Rugova, në ditën kur ky i fundit po mbush 74 vjet.
Zemaj ka thënë se Rugova, si askush tjetër në histori, kishte pushtuar zemrat e gjeneratave pa dallim, përcjell Bota sot.
Fotografia që Zemaj e ka publikuar në Facebook, është realizuar më 15 mars 2001 në Shtutgart.
Postimi i plotë i Zemajt:
Presidenti
Ky burrështetas që po përkulët në gjunjë dhe i përqafon fëmijet, sot e ka ditëlindjen.
Si askush tjetër në histori, ai i kishte pushtuar zemrat e gjeneratave pa dallim. Populli shpirtërisht e njihte prijësin e tij.
Prandaj ai jeton, ka vetëm ditëlindje.
Foto: 15 mars 2001 në Shtutgart (për këtë kujtim të çmuar e falenderoj bacën Dan Gashi).
