Ish–komandanti i Ushtrisë Çlirimtare të Kosovës, Naser Vllasi (Cobra), i cili ka luftuar në Koshare, ka folur për raportet Kosovë – Serbi.
Cobra, thotë se, Serbia do të detyrohet në vitin e ardshëm që të gjunjëzohet dhe të detyrohet që ta njohë Kosovën.
Por, kjo njohje nuk vjen si pasoj e politikbërjes së shtetit të Kosovës, por e Shteteve të Bashkuara të Amerikës, e cila me taksat e saj kundër Rusisë e Kinës po e dobëson dalëngadalë edhe Serbinë.
“Amerika po lufton në përmbysjen e shteteve jodemokratike dhe vendosjen e një rendi të ri botëror, që ka për qëllim paqen dhe zhvillimin ekonomik çdokënd në botë”, thotë Vllasi për gazetën “Bota sot”.
“"Boll mirë" Trumpi ua ka fut taksat Rusisë, Kinës e Serbisë, ngase profesioni që ka ia bën të mundur që të dijë se si të manovrojë me të tjerët dhe ti prekë në pika të dobëta.
Rusët, kinezët e serbët po vetëkënaqen me faktin që Kosova nuk u bë anëtare e Interpolit, por kjo kënaqësi do ju zgjasë pak, ngase me vendosjen e njerëzve të duhur në pozita udhëheqëse Kosova do i realizojë gjithë aspiratat e saj.
Presidenti Trump me politikat e tij te hatashme tregtare, me masat që ua ka vënë Kinës e Rusisë, po e dobëson dalëngadalë edhe Serbinë, gjë që në vitin që po vjen, Serbia do të gjunjëzohet dhe do detyrohet që ta njohë Kosovën.
Amerika po lufton në përmbysjen e shteteve jodemokratike dhe vendosjen e një rendi të ri botëror, që ka për qëllim paqen dhe zhvillimin ekonomik çdokënd në botë”, shton ai.
Ai thekson se, politikanët e Kosovës po i kap njëfarë euforie dhe gëzimi, kur po i ftojnë për takime në Amerikë, por këto ftesa nuk janë meritë e tyre personale, por atje po i dërgon populli që i ka përzgjedh, e merita mund të marrin vetëm nëse na përfaqësojnë dinjitetshëm. “Populli mund ta qojë atje edhe "dadën Hafije" por përfaqësimi "i saj" pastaj, len shumë për të dëshiruar!”
“Moskordinimi me SHBA-të në marrjen e vendimeve strategjike, po na kushton mjaft shumë. Qohen burrat e dheut, tu ndejt nëpër oda, e tu shit patriotizëm ja qesin Serbisë taksën 100 %, veprim për të cilin nuk e bëjnë asnjë analizë ekonomike e as hulumtim të tregut, por vetëm duke shit mend e duke than unë jam Zot shpie në shpi teme! Çka të duhet me kanë zot shpie kur nuk ke bukë për robtë e shtëpisë, ngase këta zotat e shtëpisë, anëtarët e shtëpisë i konsiderojnë rob të tyre. Taksa që i është vënë Serbisë e ka "dëmtuar" aq shumë sa që ia ka sjellë Vuçiqit dekoratën ndërkombëtare për paqe!”, pohon Naser Vllasi.
