Protestat masive kundër vrasjes të vajzës së re me ngjyrë në SHBA, plagosen 2 oficerë policie

Amerika

Protestat masive kundër vrasjes të vajzës së re me ngjyrë në SHBA, plagosen 2 oficerë policie

Më: 24 shtator 2020 Në ora: 11:04
Foto Ilustrim

Dy oficerë policie u qëlluan dhe u plagosën të mërkurën vonë në Louisville, Kentucky, gjatë protestave pas një vendimi të jurisë së gjykatësve për vrasjen e Breonna Taylor në mars nga forcat policore.

Këtë ngjarje, aktivistët e të drejtave civile e “lexuan” si një dështim të drejtësisë amerikane.

Juria vendosi që askush nga tre oficerët e bardhë të përfshirë në sulmin fatal në apartamentin e Taylor nuk do të akuzohej drejtpërdrejt për vdekjen e saj, megjithëse një oficer u akuzua për akuzat e rrezikimit të fqinjëve të saj.

Padia erdhi më shumë se gjashtë muaj pasi Taylor, 26 vjeçe, një teknike mjekësore e urgjencës me ngjyrë dhe infermiere aspiruese, u vra para të dashurit të saj të armatosur pasi tre oficerët hynë me forcë në shtëpinë e saj me një urdhër kërkimi në një hetim të trafikut të drogës.

Vdekja e saj u bë një simbol, dhe imazhi i saj u shpërnda nga shumë persona, gjatë muajve të protestave të përditshme kundër padrejtësisë racore dhe brutalitetit të policisë në qytete anembanë Shteteve të Bashkuara. Muajin e kaluar manjati mediatik Oprah Uinfrey e paraqiti Taylor në kopertinën e revistës së saj duke kërkuar ndjekjen penale të oficerëve të përfshirë në vrasjen e së resë.

Demonstratat mbetën kryesisht paqësore derisa filluan disa të shtëna me armë ndërsa policia e armatosur rëndë u mbyll në një turmë protestuesish gjatë natës, duke urdhëruar turmën të shpërndahej rreth gjysmë ore para orës 21:00.

Dy oficerë u qëlluan dhe u plagosën, u tha gazetarëve shefi i përkohshëm i policisë metropolitane të Louisville, Robert Schroeder. Një i dyshuar u arrestua dhe dy oficerët e plagosur ishin në gjendje të qëndrueshme – njëri iu nënshtrua një operacioni – me dëmtime jo-kërcënuese për jetën, tha Shrëder. Ai nuk dha detaje të tjera.

Më parë gjatë ditës, rreth një duzinë njerëzish u arrestuan në një përleshje midis qindra demonstruesve dhe një grupi oficerësh në lagjen Highlands, pak jashtë qendrës së Louisville. Disa dritare të bizneseve aty pranë ishin thyer gjithashtu. Turmat u shpërndanë kryesisht pas të shtënave të së mërkurës në mbrëmje.

Shfaq komentet
comments powered by Disqus
Sot mund të lexoni Shfletoni kopertinat