Dy nxënës u plagosën nga të shtënat në një shkollë të mesme në Virxhinia pasditen e së hënës, tha policia.
Një djalë 17-vjeçar u qëllua në fytyrë në Shkollën e Mesme Heritage dhe një vajzë 17-vjeçare u qëllua në këmbë, tha shefi i policisë së Newport News, Steve Drew në një konferencë shtypi.
Të dy u dërguan në spital dhe asnjë dëmtim nuk mendohej se ishte kërcënues për jetën, tha ai, shkruan AP.
Një i mitur mashkull u arrestua për rastin, tha policia në një deklaratë. Shefi tha se autoritetet besojnë se i dyshuari dhe viktimat njiheshin, por nuk dhanë detaje.
