Rreth 15 pasagjerë u plagosën pasi autobusi i tyre u përmbys në një autostradë në jug të Kilit në të njëjtën zonë ku nëntë persona humbën jetën në një aksident gjatë fundjavës mes shirave të dendur.
Autobusi me 50 pasagjerë u përmbys në kryqëzimin “Bobadilla” të rrugës 5 në jug në qytetin e San Javier. Carabineros (polici e militarizuar) u dërguan në vend, thanë autoritetet lokale.
Sipas kryetarit të bashkisë së San Javier, Jorge Silva, ajo pjesë e rrugës shpesh është e mbuluar me mjegull ose e goditur nga shiu i dendur.
Ditët e fundit, shirat e rrëmbyeshëm dhe përmbytjet në Kilin qendror dhe jugor kanë përmbytur rrugët, kanë ndërprerë komunitetet dhe kanë dëbuar mijëra njerëz nga shtëpitë e tyre.
Sipas policisë, numri i lartë i automjeteve në rrugë është bërë shkak për rritjen e aksidenteve në fundjavë.
